曹仁超文集-第52节
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
觥–〃系基督精神（Christianity），即对社会嘅回馈、对穷人嘅帮助、对真理嘅追求，所以各位见到外国许多大富豪将自己大部分财富回馈社会帮助穷人，就系发挥基督精神。
中国已接受第一个C
1978年中国政府实施改革开放政策后，对西方社会第一个〃C〃（资本主义）愈来愈接受，只系美其名为〃市场经济〃。但对第二个〃C〃即宪法、法律及政治体制嘅接受仍然唔顺利，政府（尤其地方政府）往往有法不依，人与人之间讲人情、讲面子而少讲法律，无论政府或普通人，喺守法方面较西方社会仍差得远。至于第三个〃C〃所谓基督精神似乎刚开始，中国人嘅捐钱文化仍未普及，香港系中国社会中最有基督精神嘅地方，但同西方比较仍差很远。
香港欲在政制上有突破，必须中国政府渐接受第二个〃C〃，即政府不再违宪、人民人人守法，做个〃文明政府〃、做个〃文明人〃才可。至于第三个〃C〃更加难求，只有寄望我地下一代。
港人内地置业高峰近在眼前
据《南方日报》报道，自广州楼市开始进入个人购房时代后，港人便成为广州楼市置业嘅主力军。港人喺深圳置业数量排第一、喺广州排第二，占港人内地置业17％，近年每年约四千套房子被港人买走。香港地产中介机构2000年估计，港人喺内地购入物业数量高达一百四十六万至一百五十五万个单位，2006年港人喺内地置业投资房地产单位达到二百二十五万至二百三十六万个，数字极大！
喺广州置业嘅港人分四种：一、喺广州经商或工作，喺假日才回港；二、退休老人，喺广州置业安度晚年；三、喺香港工作，到广州度假；四、投资客到广州置业，博楼价攀升者。
换言之，今天港人喺内地拥有嘅物业较响香港仲要多。香港私人住宅单位不外百多万个，在内地已多达二百二十多万个（唔少响香港居住公屋嘅人士亦喺内地有物业）。香港二百四十多万个家庭，可能90％左右喺内地有物业（当然上述系平均数，不乏有人喺内地拥有大量物业）？如上述数字准确，港人内地置业高峰期可能已近在眼前。
曹仁超
PDF原文：
原序号：63序号：
13
标题：
下半年仍系上落市
来源：
信报
发布日期：
2007…07…03
全文：
7月2日，周一。今天系香港先至嘅假期。7月1日起，中国调整二千八百三十一项商品出口退税率，其中包括取消五百五十项高耗能、高污染、资源性产品嘅出口退税，降低二千二百六十八项商品出口退税率，较受影响系长三角一带工业。厂商必须迅速通过技术创新，产品创新，产业升级，才能提升产品议价能力，不然必须承担取消或减少出口退税嘅负担，令纯利进一步回落。
大摩亚洲主席罗奇6月30日响上海参加〃中欧国际工商学院首届银行家论坛〃时话，中国股市对财政部将发行一万五千五百亿元人民币特别国债嘅反应过激，令上周四上海A股下挫164点，上周五再跌93点，两天跌市令沪深两地蒸发超过一万一千亿元市值。今天沪深指数牛皮变化唔大。
今年上半年已过去，美股上升7。6％，恒生指数上升9。06％。各位一定以为机构投资者表现出色？但根据波士顿顾问集团分析，美国三千二百间机构今年首五个月成绩超过60％系亏损！上半年全球表现最出色系内地A股，上升88％，令本港国企、红筹亦大升，为唔少人带来财富。今天H股P/E二十二倍，而A股P/E四十五倍，系吸引唔少外资来港买H股嘅理由，因期望A、H股P/E会收窄云云。1973年香港汇丰较伦敦汇丰P/E高，结果系香港汇丰股价大跌去认同伦敦。如睇好H股嘅理由单单系因为P/E较A股低，咁就好危险；P/E一旦高出二十二倍，便算进入偏高期。我老曹认为，大部分H股已唔值得购入，何况内地人只能暗地里来港买H股，唔可以类似1973年港人可买伦敦汇丰再登记、转名为香港登记（需时三星期），然后运返香港出售（大证券行可以喺香港借货抛空）。至于QDII，系心理影响大于实质。
BNO 少人去续期
七一回归，又有烟花放，又有大游行。十年前提出嘅二元社会（贫富差距扩大），今天愈来愈多人感受到，尤其系出卖劳动力或本身有专长者，所受压力十分大。
十年又十年，人生有几多个十年？回归前十年系1987年，香港受股灾影响而决定停市四天，复市后恒指由1987年10月1日3949点跌至12月7日1894点，跌幅52％，然后由1987年12月7日慢慢爬番上来。1987至97年香港人由怕中国共产党到接受中央政府，但香港人眼中嘅中国系代表落后贫穷，更以阿灿、表叔、表婶，表哥等等去形容内地人。1997年7月1日港人眼见解放军入城，对港英政府仍依依不舍，响回归前三个月最后一次港英政府颁发BNO，有二十万港人排队领取，最后一天通宵排队有五万四千人，因为人人相信BNO系护身符。十年后今天，呢批护照都到晒期，但去续期嘅人好少，因港人发现特区护照更加好使好用。呢十年恒生指数由1894点回升至1997年8月7日16820点，升幅达780％：1997年7月香港人变得财大气粗，成日睇唔起内地人！加上人民币1994年前一再贬值，港元系内地人见人爱嘅货币。1997年8月亚洲金融风暴，加上八万五房屋政策，香港人无论喺股市楼市都损手烂脚，到2003年沙士疫症，港人信心彻底崩溃，再加上特区政府硬销二十三条，令2003年7月1日有五十万港人上街示威，因为有十多万家庭变咗负资产。
最赚钱年龄阶层步入退休期
就在此时，中央政府推出自由行、CEPA等，令港人信心恢复，2003年下半年起经济复苏，唔经唔觉已好番四年矣。受联汇制度影响。1997年7月美元出现强势，港元亦唯有二仔底死跟，港元兑英镑由1997年7月1日13。26港元升到2001年5月10。67港元（或英镑跌24。27％）；欧罗1999年1月成立时1欧罗兑9。2港元，到2000年10月27日只兑6。41港元。港元强势引发本港出现战后首次通缩。港元兑日圆更威，由1999年11月1港元兑13日圆，到2002年兑17。7日圆（即日圆兑港元贬值36％），如果有蚊年，去日本玩好鬼抵（可惜2002年港人皆冇银）。到2001年1月美元减息，2002年美元贬值，先至系香港过去四年经济复苏嘅真正理由，期间港元兑英镑贬值46％（兑15。6港元），兑欧罗贬值64。5％（兑10。53港元）；日圆因2005年起有利差交易，港元跌幅较细。换言之，如以欧罗计，本港中价楼2003年至今并有升值，只系港元汇价贬咗值而已。今年7月1日起，未来十年又点？有一点值得注意，就系香港人口自2007年7月1日起步入老化期。香港第二代大部分响五十年代出生，开始步入五十五至六十岁嘅退休年龄。一生人最赚钱（指大部分人）系四十至五十五岁，未来香港呢批年龄人口数目迅速下降，因此大可能2017年香港平均收入只同2007年接近甚至略减。
回归十年庆典完成，又要面对现实。发达繁荣永无保证，盛衰交替循环不息。一如1997年7月前本港楼价反覆上升十三年，令人们忘记风险呢回事，当过分自信时一如饮大咗！回归十年，一般中产阶级系older，wiser but poorer！
蓝领好怕冇咗份工
日本5月份薪金下滑0。6％，出现连续六个月下降。虽然失业率只有3。8％，但日本人仍唔敢奢望加薪。日本人自1990年起、香港人自1997年7月开始，打工仔再唔敢奢望老板加人工。过去年年加薪10％或以上呢枝歌仔已好耐冇唱（最近巴士员工为争取加薪多DD而宣布慢驶，但参加者唔多，理由系蓝领阶级近年好怕冇咗份工），反映打工仔过去十年未能分享香港繁荣嘅果实。2003年至今打工仔获加薪几多？反之，恒生指数由 2003年4月25日8331点升至今年6月25日22085点，升幅165％。望老板加人工，不如望自己理财成功！今天理财已唔系讲后市点睇（事实上亦冇人识睇），而系讲投资理论及产品。点样审时度势制定投资策略，一步步达到目的。今天投资者已较1997年7月前有纪律，懂得制定策略（例如一旦出错便行使止蚀）及由专家引导（ Professional guidance）。部分专业研讨会已可同参加者分析啤打系数（beta）及利用a（alpha）理论去跑赢恒生指数，再唔系停留喺睇走势咁简单，例如点样利用对冲策略、点样利用衍生工具产品去减少风险、提升平均回报率，再唔系炒轮。如果咁简单，点样成为一位价值投资者？甚至可利用抛空技巧去降低自己所承受嘅风险。呢类极度专业嘅行为，今天唔少业余投资者亦渐渐能够掌握。
学校早已放暑假，但投资者大部分仍充满忧虑（牛市喺忧虑中上升？），上半年上落市中可以交出好成绩嘅投资者唔多，唔少投资者希望响下半年追番，所以无暇放暑假。今年1月我老曹曾话今年系上落市冇方向感。所以唔识睇大市，下半年睇落一样系上落市，而且较上半年更令人迷惑。例如内地制造业已进入令人担心期，美国房地产仍在放缓，日本有机会重临通缩，油价又重返七十美元之上，虽然5月美国核心通胀只上升1。9％，但贝南奇冇吉士减息，仍然担心通胀。睇嚟下半年美国出现滞胀嘅可能性较我老曹今年1月观察时明显上升咗。上半年受惠于内地A股上升88％，恒生指数仍可上升9。06％；下半年内地A股进入反覆甚至回落期。港股又点？今年1月唔少分析家仍在期望美国减息，7月份相信下半年会减息者不足20％，甚至有人相信明年全年利率仲系五厘二五，较乐观估计明年6月前将见五厘。至于通胀率（包括食物及能源价格），估计今年12月底前CPI仍企于3。1％，系第五年通胀率超过联储局嘅目标通胀（2％或以下）。
中非贸易急速增长
全球面对能源价格、食物价格上升，而工业产品价格下降。猪、牛、鸡、鱼价无一不涨，令饮食业好难做（因产品售价不能大涨，只能微涨），边际利润愈来愈薄，饮食业变成本大利小嘅生意。
中国人真系变得聪明咗，下一个新兴市场应系非洲！例如利比亚及阿尔及利亚早因油价上升而十分富有，原材料价格大升令呢个被遗忘嘅大洲，经济由呆滞或衰落期重新振作起来，2001至06年GDP平均每年上升4。9％（去年上升5。5％。估计今年升6。8％），环撒哈拉地区GDP增长率更大。非洲资源丰富、物产茂盛，点解经济咁落后？最大理由系非洲禹贼十三个国家组成，唔系你打我就系我打你，战争令非洲变得贫穷。只要唔再打仗，非洲便可以立即富起来！近年中国喺非洲投资好大，一来非洲天然资源丰富，正是中国所需；二来中国轻工业产品响非洲极受欢迎（因非洲本土工业仍相当落后）。1990至95年中非贸易年增长率15％，1996至2000年中非贸易年增长率20％，2001至05年贸易年增长率25％（去年中非贸易占非洲出口27％，非洲向欧洲出口32％，向美国出口29％），睇嚟2010年中非贸易将超过美非贸易。中非贸易去年已超过日本。成为非洲产品最大入口国；其次印度亦向非洲招手，同中国竞争非洲嘅石油！
曹仁超
PDF原文：
原序号：64序号：
14
标题：
蓝筹股十年得失各异
来源：
信报
发布日期：
2007…07…04
全文：
7月3日，周二。恒生指数升378。41，收22151。14；成交八百一十七亿一千七百多万元。7月期指高水，升390点，收22655点，代表炒家继续睇好后市。回归十年，恒生指数上升46。42％，但投资唔同恒生成分股，得失亦各有不同。最出色系思捷环球（330），升值十八倍；其次系利丰（494），升值十三倍。2000年6月挂牌嘅港交所（388），表现亦不俗。
通胀唔会成为大杀伤力武器
表现最差系地产股新世界发展（017），至今仍失去53。69％市值；恒地（012）表现亦几差，至今仍失去23。93％市值。第三系中国联通（762）（2000年6月22日上市）及中信泰富（267），仍失去16％市值，由此可了解1997年7月1日起拣股嘅重要性。
5月份香港零售销售上升10。2％，较4月份升3。4％。居民收入上升、失业率低，加上内地人来港增加16％，达一百二十万人，令本港零售业受惠。
华润电力（836）发行新股收购嘅消息，令股价升5。04％，见十九元六角后停牌；中移动（941）升3。34％，见八十六元七角五仙；国寿（2628）升2。7％，见二十八�
